ვებ-გვერდი მუშაობს სატესტო რეჟიმში

ცხელი ხაზი:(0 491) 24 44 64 -მერია / 555 25 94 10 - საკრებულო

სოფ. ძევრში გაზიფიცირების სამუშაოები მიმდინარეობს

29 სექტემბერი, 2020

თერჯოლის მუნიციპალიტეტში ბუნებრივი აირის გარეშე დარჩენილ ბოლო სოფელში, ძევრის ადმინისტრაციული ერთეულის სოფ. სეფარეთში გაზიფიცირების სამუშაოები მიმდინარეობს.

თერჯოლის მუნიციპალიტეტის მერის მოვალეობის შემსრულებელმა მანუჩარ რობაქიძემ და მერიის ადმინისტრაციული და შესყიდვების სამსახურის უფროსმა მირზა ქოჩიაშვილმა სამუშაოები ძევრში მერის წარმომადგენელ ფრიდონ კუტალაძესთან ერთად დაათვალიერეს და მშენებელი კომპანიის წარმომადგენელებს პროექტის მიმდინარეობის, ხარისხისა და ვადების შესახებ ესაუბრნენ.

როგორც მანუჩარ რობაქიძემ აღნიშნა, ამჟამად სოფ. სეფარეთში გაზის ტრანსპორტირების კომპანიის მიერ მიმდინარეობს გაზგამანაწილებელი ქსელის მოწყობა, რომლის დასრულების შემდეგაც მოხდება ინდივიდუალური გამრიცხველიანება და სოფელში რეგისტრირებული 46 ოჯახი მიიღებს ბუნებრივ აირს.

აღსანიშნავია, რომ სოფელ სეფარეთში გაზიფიცირება პრიორიტეტული პრობლემა იყო ადგილობრივებისათვის, რაც ხელისუფლების ძალისხმევით მოგვარდა.

თერჯოლის მუნიციპალიტეტის ყველა სოფელი ბუნებრივი აირით იქნება უზრუნველყოფილი.

 

გააზიარე