დედაენის დღისადმი მიძღვნილი კვირეულის ფარგლებში, ა(ა)იპ თერჯოლის მოსწავლე-ახალგაზრდობის, სოციალური დაცვის მოქალაქეობრივი და ესთეტიკური აღზრდის მუნიციპალურ ცენტრის ორგანიზებით თემატური ღონისძიება გაიმართა.
ღონისძიებას მუნიციპალიტეტის მერი, ლაშა გოგიაშვილი, მოადგილეებთან, მანუჩარ რობაქიძესთან და მირზა ქოჩიაშვილთან ერთად დაესწრო.
დედაენის დღისადმი მიძღვნილი კვირეულის ფარგლებში, მონაწილეებმა მშობლიური ენის მნიშვნელობაზე, ენის სიძველეზე, სხვადასხვა ეტაპზე მშობლიური ენის დასაცავად გადადგმულ ნაბიჯებზე ისაუბრეს .
დღესვე, სამხატვრო სკოლის ორგანიზებით დედაენის დღისადმი მიძღვნილი გამოფენა მოეწყო, სადაც მუნიციპალიტეტის საჯარო სკოლის მოსწავლეები ჩაერთნენ.ღონისძიებას, თერჯოლის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის თანამშრომლები და სხვა მოწვეული სტუმრები ესწრებოდნენ.