საბავშვო გასართობი პროგრამის ფარგლებში,ლაშა გოგიაშვილის სახელობის სკვერში მოეწყო გასართობი სივრცე, მრავალფეროვანი ატრაქციონები, გაიმართა ხელნაკეთი ნივთების გამოფენა-გაყიდვა, სამხატვრო სკოლის მოსწავლეების ნამუშევრების გამოფენა,სახის მოხატვის აქტივობა.

პატარების სახალისო განწყობაზე,მთელი დღის განმავლობაში ზრუნავდა დრამერების და საპნის ბუშტების შოუს წამყვანები, ოჩოფეხი , ზღაპრის გმირებთან ერთად.

მოსწავლე-ახალგაზრდობის მუნიციპალური ცენტრის რობოტექნიკის კლუბის ხელმძღვანელის, ერეკლე კირკიტაძის ორგანიზებით, გაიმართა დრონების საჩვენებელი გამოფენა, 3D პრინტერი მასტერკლასი , STEAM პროექტების და ჭკვიანი სახლის პრეზენტაცია .

ამფითეატრის სცენაზე ჩატარდა მოსწავლე-ახალგაზრდობის ცენტრის, ბავშვთა ფოლკლორული ანსამბლი „იმედის“კონცერტი,ხოლო მოგვიანებით, ღონისძიებები დაასრულა კერძო სკოლა „მზეკაბანი 2007“- ის ლიტერატურულ - მუსიკალურმა საღამომ „ბავშვები ბავშვებისათვის“. აღსანიშნავია ,რომ ღონისძიებაში ჩაერთნენ ადგილობრივი დღის ცენტრების „იმედის სხივის“ და „საპოვნელას“ აღსაზრდელები.

ბავშვთა დაცვის საერთაშორისო დღის აქტივობები , მერიის განათლების,კულტურის სპორტის და ახალგაზრდულ საქმეთა სამსახურის ორგანიზებით განხორციელდა.