მათთვის, ვისაც აქვს ინოვაციური იდეა, ან სურს ინოვაციური სტარტაპის შექმნა, სსიპ საქართველოს ინოვაციების და ტექნოლოგიების სააგენტო (GITA) იწყებს პრე-აქსელერაციის პროგრამას, რომელიც აქტიურად უწყობს ხელს რეგიონებში ინოვაციური მეწარმეობის განვითარებასა და სტარტაპ ეკოსისტემის გაძლიერებას.

აღნიშნულთან დაკავშირებით, 20-21 ნოემბერს, თერჯოლაში იდეების გენერირების ორდღიანი სამუშაო შეხვედრა გაიმართება, რაც ადგილობრივ მეწარმეებსა და ახალგაზრდებს დაეხმარება ბიზნეს იდეების გენერირებასა და მათი განვითარებისთვის საჭირო ცოდნის მიღებაში.

თუ გსურს, შექმნა ინოვაციური სტარტაპი, ამისთვის საჭიროა:

დარეგისტრირდე იდეათონზე;

დაესწრო თერჯოლის მუნიციპალიტეტში ორდღიან ვორქშოპებს;

მოიპოვო შესაძლებლობა, გაიარო ორკვირიანი პრე-აქსელერაცია და მონაწილეობა მიიღო 25 000-ლარიან საგრანტო კონკურსში.

იდეათონის გამორჩეული იდეების ავტორები კონკურსის გარეშე მოიპოვებენ ადგილს იმერეთის პრე-აქსელერაციის პროგრამაში!

პრე-აქსელერატორი დაგეხმარებათ, განავითაროთ ინოვაციური იდეები, დასახოთ სტარტაპ იდეის, ან პროდუქტის განხორციელების სტრატეგია და მოემზადოთ 25 000-ლარიანი რეგიონული საგრანტო კონკურსისთვის.

პროექტში მონაწილეობა შეუძლიათ:

დამამთავრებელი კლასების მოსწავლეებს, სტუდენტებს, ადგილობრივ მცხოვრებლებს 15 წლის ასაკიდან.

თერჯოლაში შეხვედრები გაიმართება:

20 ნოემბერი -11:00 საათიდან 16:00 საათამდე

21 ნოემბერი -11:00 საათიდან 16:00 საათამდე

მის: თერჯოლის მუნიციპალიტეტის მერიის საკონფერენციო დარბაზი ( რუსთაველის ქუჩა #109)

სარეგისტრაციო ბმული;